Danimarkanın Aarhus Universitetində aparılan yeni tədqiqat göstərib ki, toksik zülal beyin hüceyrələrinin membranlarında dinamik məsamələr yaradır. Fortunamag.az "Science daily"a istinadən xəbər verir ki, bu proses Parkinson xəstəliyinin inkişaf mexanizmini anlamaqda əsas ola bilər.
Araşdırmaya görə, "α-sinuklein" adlı zülal hüceyrə qişasına daxil olur, qısa müddətlik məsamələr açır və molekulların keçməsinə imkan verir. Sonra isə əvvəlki vəziyyətə qayıdaraq bu dövrü təkrar edir. Hüceyrələr dərhal dağılmır, amma zamanla zəifləyir. Bu da xəstəliyin simptomlarının yavaş-yavaş üzə çıxmasını izah edə bilər.
Parkinson xəstəliyi çox vaxt incə əlamətlərlə başlayır: əl titrəməsi, azacıq sərtlik. Ancaq zaman keçdikcə beyin hüceyrələri ölür və xəstəlik ağırlaşır. Yeni mexanizmin kəşfi isə alimləri səbəbi anlamağa bir addım yaxınlaşdırır.
Fortunamag.az
