Bakıda bu il daha bir dünya çempionatı keçiriləcək

Azərbaycan bu yay daha bir mötəbər idman yarışına ev sahibliyi edəcək.

Fortunamag.az “Oxu.az”a istinadən xəbər verir ki, bu barədə Azərbaycan Güləş Federasiyası məlumat yayıb.

Bildirilib ki, avqustun 27-dən 29-dək Bakıda çimərlik güləşi üzrə 2 beynəlxalq turnir keçiriləcək.

Avqustun 27-də paytaxtımızda U-17 dünya çempionatı baş tutacaq. Növbəti 2 gündə isə böyüklər arasında Dünya Seriyasının IV mərhələsi təşkil ediləcək. Hər iki yarış ölkəmizdə ilk dəfə reallaşır.

Xatırladaq ki, Bakıda iyulun 27-dən avqustun 2-dək sərbəst, qadın və yunan-Roma güləşi üzrə U-17 dünya çempionatı baş tutacaq.

Fortunamag.az