İllinoys Universitetində Azərbaycan mədəniyyəti tanıdılıb

Urbana-Şampeyn İllinoys Universitetində Azərbaycan mədəniyyətinin tanıdılmasına həsr olunan “Beynəlxalq tanıtım” tədbiri keçirilib.

Fortunamag.az “AZƏRTAC”a istinadən xəbər verir ki, tədbir universitetdə fəaliyyət göstərən Azərbaycanlı Tələbələr Assosiasiyasının, eyni zamanda, universitetin Beynəlxalq Tələbələr və Tədqiqatçılarla İş üzrə Xidmətlər şöbəsinin birgə əməkdaşlığı ilə baş tutub.

Tədbirin məqsədi iştirakçılara Azərbaycanı, onun zəngin mədəniyyətini və milli ənənələrini interaktiv və maraqlı formada təqdim etmək olub.

Əvvəlcə Azərbaycan haqqında təqdimat keçirilib, ölkəmiz barədə məlumat verilib, iştirakçıların sualları cavablandırılıb. Qonaqlara Azərbaycan mətbəxinin ləziz təamları təqdim olunub, milli musiqimiz ifa edilib.

Fortunamag.az