Ümumdünya Şəhərsalma Forumunda “Hərəkətə çağırış” sənədi qəbul olunacaq

“Bakıda keçiriləcək Ümumdünya Şəhərsalma Forumunda “Hərəkətə çağırış” sənədinin qəbul olunması planlaşdırılır”.

Fortunamag.az “Oxu.az”a istinadən xəbər verir ki, bunu Azərbaycanın Şəhərsalma və Arxitektura üzrə Dövlət Komitəsinin sədri Anar Quliyev XIII Qlobal Bakı Forumunda “Mənzil üçün qlobal əməkdaşlıq: WUF13 üçün perspektivlər” mövzusunda keçirilən panel müzakirəsində deyib.

O bildirib ki, forum çərçivəsində nazirlərin görüşləri, yüksək səviyyəli dialoqlar, dəyirmi masalar və xüsusi sessiyalar keçiriləcək:

“Burada hökumətlər, beynəlxalq təşkilatlar, maliyyə institutları, özəl sektor, akademik dairələr və vətəndaş cəmiyyəti nümayəndələri bir araya gələrək təcrübələrini paylaşacaqlar, bilik mübadiləsi aparacaqlar.

Məqsəd milli təcrübələrin təqdim olunması, bilik mübadiləsi və mənzil problemlərinin həlli üzrə uğurlu təcrübələrin paylaşılmasıdır.

Eyni zamanda bu platforma yeni mənzil təşəbbüslərinin təqdim olunmasına və beynəlxalq əməkdaşlığın gücləndirilməsinə imkan yaradacaq”.

Fortunamag.az