Türkiyənin Xarici İşlər Naziri Hakan Fidan HƏMAS Siyasi Bürosunun rəhbəri seçilən Xəlil əl-Həyyə və onu müşayiət edən nümayəndə heyətini qəbul edib.
Fortunamag.az “TRT Haber”ə istinadla xəbər verir ki, bu barədə Türkiyə Xarici İşlər Nazirliyi məlumat yayıb.
Görüş zamanı Xəlil əl-Həyyə Qəzza və İordan çayının qərb sahilindəki son vəziyyət barədə məlumat verib.
Türkiyə XİN rəhbəri isə Ankaranın Qəzza sülh prosesini dəstəkləməkdə davam edəcəyini və bu prosesdə HƏMAS-ın oynadığı rolu təqdir etdiyini diqqətə çatdırıb.
Görüşdə həmçinin digər regional məsələlər də ətraflı müzakirə olunub.
