Lüks texnologiya məhsulları ilə tanınan “Caviar” şirkəti yeni “Legends” kolleksiyasını təqdim edib.
Fortunamag.az xəbər verir ki, 2026-cı il futbol üzrə dünya çempionatının sonuna təsadüf edən seriyada futbol əfsanələri Lionel Messi və Kriştianu Ronaldoya həsr olunmuş, 24 karat qızıl örtüklü xüsusi smartfonlar yer alıb.
Kolleksiyaya “Samsung”un yeni nəsil qatlana bilən modeli “Galaxy Z Fold 8 Ultra” və “Apple”ın flaqman modeli “iPhone 17 Pro” əsasında hazırlanmış cihazlar daxildir. Şirkət standart korpusları qızıl, emal və xüsusi dizayn elementləri ilə əvəz edib.
Messiyə həsr olunan model satışa hələ çıxmamış “Samsung Galaxy Z Fold 8 Ultra” bazasında hazırlanıb. Telefonun arxa panelində argentinalı futbolçunun portreti, onun məşhur “10” nömrəsi və Argentina millisinin simvolları əks olunub. Dizaynda Argentina bayrağının ağ və açıq mavi rəngləri xüsusi emal texnikası ilə işlənib, çərçivə və naxışlar isə 24 karat qızılla örtülüb.
