Ağstafada keçirilmiş əmək yarmarkasında 82 vakansiya təqdim edilib

Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi tərəfindən işsiz və işaxtaran şəxslər üçün Ağstafa rayonunda əmək yarmarkası keçirilib.

Fortunamag.az “AZƏRTAC”a istinadən xəbər verir ki, agentliyin tabeliyində Qazax-Tovuz Regional Məşğulluq filialının təşkilatçılığı ilə keçirilmiş yarmarkada 13 işəgötürən iştirak edib və 82 vakansiya təqdim olunub.

Bildirilib ki, vakansiyalara müraciət edən şəxslərə iş yerləri üzrə tələblər, işə qəbul qaydaları barədə məlumat verilib, uyğun namizədlərin qeydiyyatı aparılıb. Agentliyin tabeliyində Gəncə Peşə Hazırlığı Mərkəzi də yarmarkada öz stendi ilə təmsil olunub. İşsiz və işaxtaran şəxslərə həyata keçirilən peşə kursları, müraciət qaydaları barədə məlumat verilib.

Fortunamag.az