Rüfət Mahmud: “WUF13 şəhərsalma sahəsində mühüm beynəlxalq platformaya çevrilib”

Www.fortunamag.az-a açıqlamasında İçərişəhər Dövlət Tarix-Memarlıq Qoruğu İdarəsinin İdarə Heyətinin sədri Rüfət Mahmud Bakıda keçirilən Dünya Şəhərsalma Forumu WUF13 çərçivəsində təşkil olunan müzakirələrin əhəmiyyətindən danışıb.

O bildirib ki, forum artıq memarlıq və şəhərsalma sahəsində mühüm beynəlxalq platformaya çevrilib. Rüfət Mahmud xüsusilə gənc mütəxəssislərin forumda fəal iştirakını yüksək qiymətləndirərək, onların təcrübəli memarlar və beynəlxalq ekspertlərlə fikir mübadiləsinin böyük önəm daşıdığını vurğulayıb.

— Bugünkü forumun əhəmiyyətini və bu günlər ərzində keçirilən müzakirələri necə qiymətləndirirsiniz?

— Çox yüksək qiymətləndirirəm. Çünki gördüyünüz kimi, bu forum artıq çox önəmli bir platformaya çevrilib. Bu gün iştirak etdiyimiz sessiyada xüsusilə gənc mütəxəssislərimizin fəal iştirakı diqqət çəkirdi. Gənc memarların və şəhərsalma sahəsində çalışan mütəxəssislərin daha təcrübəli həmkarlarından, eləcə də beynəlxalq ekspertlərdən öyrənəcəyi çox məqam var. Forum çərçivəsində mühüm mövzular ətrafında olduqca maraqlı müzakirələr aparılır.

Forumun əsas dəyəri də məhz bundan ibarətdir.

Fortunamag.az üçün eksklüziv