Toyda pul dolu zərfləri oğurlayan kişi həbs edilib

Cənubi Koreyanın Busan şəhərində toy mərasiminə qatılaraq pul olan hədiyyə zərflərini oğurlayan 70 yaşlı kişi saxlanılıb.

Fortunamag.az xəbər verir ki hadisə ilə bağlı xəbəri «Yonhap News» agentliyi yayıb.

Bildirilir ki, şübhəli şəxs toy zalına dəvətli qonaq kimi daxil olub və qeydiyyat masasından ümumilikdə 17 hədiyyə zərfini götürərək hadisə yerindən uzaqlaşıb.

Lakin toy məkanındakı müşahidə kameraları və kişinin giriş zamanı təqdim etdiyi real məlumatlar onun qısa müddətdə müəyyən edilərək tutulmasına şərait yaradıb.

İstintaq zamanı məlum olub ki, təqsirləndirilən şəxs zərərçəkənlərə dəymiş maddi ziyanı tam ödəyib, həmçinin əlavə olaraq təxminən 1,2 milyon von məbləğində kompensasiya verib. Bu hal məhkəmənin qərarında yüngülləşdirici amil kimi nəzərə alınıb.

Məhkəmə qeyd edib ki, həmin şəxs əvvəllər də oxşar cinayətlərə görə məsuliyyətə cəlb olunub. Buna baxmayaraq, peşman olması və vurduğu ziyanı qarşıladığı üçün ona 2 il müddətinə şərti cəza verilib.

Fortunamag.az